Domeinu-izena bitartekari baten bidez erregistratu behar al dut?

PuntuEUS Fundazioak .EUS domeinua kudeatzen du eta erregistroa egiten duten erregistratzaileei domeinua saltzeko baimena ematen die, baina ez du .EUS domeinu-izenen salmenta zuzenik egiten. Hortaz, erosketa egiteko erregistratzaile bat erabili behar da.

Hortik aurrera, domeinu-izena zuzenean erregistratu dezakezu gure prezio-taulan agertzen den erregistratzaileetako batekin edo, nahiago baduzu, zure webgunea garatzeaz arduratzen den enpresak zure izenean egin dezake erregistroa. Kasu horretan, eskatu domeinu-izenaren titularraren datuak zureak izatea, domeinu-izenaren jabea zarela argi gera dadin.