Cargando Ekitaldiak

« Ekitaldiak guztiak

  • Este ekitaldia ha pasado.

Euskarabildua jardunaldiak datuen zaintza eta pandemiak eragindako egoeran teknologia burujabetzak egin ditzakeen ekarpenak izango ditu hizpide

29 urria @ 9:00 am - 2:00 pm

Urriaren 29an izango da Donostiako San Telmo Museoan. “Datuen izurria. Zer ari da gertatzen gure pribatutasunarekin pandemia garaian?” da aurtengo  edizioaren izenburua

Aurten urriaren 29an Donostiako San Telmo museoan izango den Euskarabildua jardunaldiak, Iametzak eta PuntuEUS Fundazioak antolatuta, bi gai uztartuko ditu: pandemia garaian agerian geratutako datuen zaintza eta  horren aurrean teknologia burujabetzak egin ditzakeen ekarpenak.

Horretarako, Euskal Herri kanpoko hiru hizlari izango dira aurtengo Euskarabilduan:  Bartzelonako Unibertsitateko irakasle eta Eticas Research & Consulting-eko kide Gemma  Galdón-ek emango du hasierako hitzaldia; Data Justice Lab-eko kide Javier Sanchez-ek  datuen erabilera eta justizia sozialari buruz hitz egingo digu; eta existitzen diren alternatibak ere ezagutuko ditugu Dabne kooperatibako Marga Padillaren bidez.

Azkenik, hezkuntzaren arloan sakontzeko mahai-inguru bat izango dugu: ‘Teknologia  burujabetza hezkuntzan: Gaur egungo panorama, alternatibak eta aurrera begirako  erronkak”. Hizlariak Argiako Mikel Garcia, Elgoibarko Makina Erreminta Institutuko Pedro  Arreitunandia eta Hezkuntzan ere Librezaleko kide Diana Franco izango dira.

Segurtasun neurriak eta Inteligentzia Kolektiboa saioa

Pandemiak baldintzatutako jardunaldia izango da aurtengo Euskarabildua. Hau da, edukiera  mugatua izango du, 50 entzulerentzat soilik egongo da lekua eta beharrezko segurtasun  neurri guztiak errespetatuko dira. Baina nahiz eta bizi dugun egoera oso berezia izan, modu  presentzialean egitea lehenetsi dugu.

Gainera, aurten berrikuntza modura, Inteligentzia Kolektiboa, lankidetzan aritzeko tailerra  egongo da, pandemiak ohitu gaituen zenbait tresna eta modu baliatuz. Tailer honen  helburua modu kolektiboan hasierako hitzaldietan entzundakoa partekatu eta modu parte hartzailean eraikitako ondorioak ateratzea izango da. Inteligentzia Kolektiboa  atsedenaldiaren ondoren egingo da.

Informazio gehiago

 

Hizlariei buruzko informazio gehigarria hemen

 

Xehetasunak

Data:
29 urria
Ordua:
9:00 am - 2:00 pm
Ekitaldi kategoria:
,
Web orria:
https://www.euskarabildua.eus/

Lekua

San Telmo Museoa
Plaza Zuloaga
Donostia, Gipuzkoa 20003
Telefonoa:
943 48 15 80
Web orria:
https://www.santelmomuseoa.eus/index.php?lang=eu

Antolatzaileak

PuntuEUS Fundazioa
Iametza