.EUS promozioak

PUNTUEUSen 10 urte bete ditugu eta  ospatu nahi dugu. Hemengoak garelako, geure nortasuna dugulako, Interneten egon behar duzula uste dugulako, baina ez edonola, eta puntu (eus)!
Erregistratu zure doeminua eta ospatu gurekin!

Euskal Herriko Unibertsitateak, Mondragon Unibertsitateak, UNED Bergarak eta PUNTUEUS Fundazioak hitzarmena sinatu dute .EUS domeinua zabaltzeko ikasle, ikasle-ohi eta langileen artean:

- UPV/EHUko, Mondragon Unibertsitateko edota UNED Bergarako ikasleek .EUS domeinuak doan erregistratu ditzakezue deskontu-kode bidez. Domeinuaren doakotasuna ikasle zaren bitartean mantenduko da eta ikasketa-proiektu, blog pertsonal edo aisialdirako webguneetan .EUS domeinua erabiltzeko balio du. Beheko botoiaren bidez egin eskaera.

- UPV/EHU, Mondragon Unibertsitatea zein UNED-Bergarako langile eta ikasle ohiek %25eko deskontu-kodea eskuratzeko aukera duzue .EUS domeinua erregistratu eta berritzeko. Kolektibo hauetako kidea bazara domeinu-izen bat eskatu edo berritu dezakezu.

Behin beheko formularioa beteta, domeinua berria eskatzeko deskontu-kodea jasoko duzu e-mailean. Deskontu-kode hori hainbat enpresa erregistratzailetan erabili daitekeenez, domeinua non erregistratu hautatu beharko duzu. Aukeran dituzun enpresa guztiekin domeinu-izena doan erregistratzeko aukera izango duzu (%25eko deskontua ikasle ohi eta langileentzat), eta horietako batzuek ikasleei hostinga doan eskainiko dizuete urtebeterako.

Bestalde, domeinua berritu nahi izanez gero, bete ezazu formulario hau.

SSL ziurtagiria doan zure .EUS domeinuetarako

Orain Googlek HTTPS protokoloa lehenesten du bilaketen posizionamenduan. Horregatik, PuntuEUSek eta Izenpek lagundu nahi dizugu zure .EUS domeinuetan Izenperen SSL ziurtagiri bat doan eskainiz.

– Izenperen ziurtagiriek bermerik handienarekin ziurtatzen dute zure webgunea; izanere, CA/Browser-en parte den eta mundu mailako onespena duen izaera publikoko ziurtapen-autoritate bakarra da. Izenperekin lan eginda, gainera, gertutasuna eta aholkularitza-zerbitzua dituzu.

– Domeinuak ez dira denak berdinak. .EUS domeinuak egunero monitorizatzen ditu erregistratutako web guztiak malware, phishing, spam, typosquatting, nortasun-faltsutze edo beste jardunbide desegokirik badagoen ikusteko.

Ziurtagiriak nola eskuratu pausuz pausu azaltzen duen gida irakur dezakezu.

SSL ziurtagiriak izenperen labur.eus/ssl-eskaera helbidean eska daitezke.

Zure webgunea .EUS bada, Elia Elhuyarren itzultzaile automatikoa erabilita webgunea euskaratu dezakezu. Elia webgune-itzultzailea plugin bat da eta WordPress plataforman garatutako webguneetan funtzionatzen du. .EUS domeinudun webguneen eskura dago, edukia automatikoki itzultzeko. Horretarako, bi urrats hauek eman behar dituzu:

1. Pluginaren eskaria egiteko formularioa bete.
2. Eliaren plugina deskargatu.

Badakigu zalantzak izan ditzakezula, eta horregatik, plugina instalatzeko laguntza-gida eskaintzen dizugu.

Bestalde, oraindik ez baduzu .EUS domeinua erregistratu, dauden aukerak alderatu alderatu eta egokiena hautatu dezakezu. Zalantzarik izanez gero, gurekin harremanetan jartzera gonbidatzen zaitugu.