IKUSI ARGAZKI GUZTIAK

  • 62 webgune sortu dituzte Ondarroa BHI, Lekeitio BHI, Arizmendi Ikastola eta Egibideko ikasleek
  • etxelila.eus izan da webgune irabazlea
Lekeitio BHI, Ondarroa BHI, Egibide (Gasteiz), eta Arizmendi Ikastola (Debagoiena) izan dira 2108-2019 ikasturtean proiektu pilotuan parte hartu duten ikastetxeak. Eider Galarraga, Aiora Egiguren, Leire Pikaza, Aiamar Cordero, Aitor Ciardegui, Unai Busturia, Iñaki Agirrebengoa eta Juan Arbulu irakasleak izan dira lanean aritu diren 240 ikasleen gidariak. Ikasleek, taldetan antolatuta, 62 proiektu gauzatzea lortu dute eta .EUS domeinudun 62 webgune sareratu dituzte.

Proiektuak askotarikoak izan diren arren, gehienek herriko elkarte eta dendetara jo dute eta presentzia digitalik ez zuten elkarte eta komertzioentzat sortu dituzte webguneak. Jasotako lan horien guztien artean epaimahaiak Ondarroa BHIko Edurne Estandia, Itziar Lizarzaburu, Ane Ares, Nahia Segade eta Ainhoa Iparragirreren etxelila.eus webgunea nabarmendu du.

Irabazleak nabarmentzeaz gain gazte talde guztien lana azpimarratu du epaimahaiak eta diploma bana jaso dute guztiek, Euskatel Fundazioaren egoitzan ospatu den ekitaldian.

Edizio pilotuan lortutako emaitzak eta jasotako balorazioak aztertuta 2019ko irailean abiatuko kaixomundua.eus webgune-lehiaketaren lehen edizioa. Lehen edizio honetan DBH, Batxilergo eta Lanbide Heziketako ikastetxe guztiek parte hartu ahal izango dute.

Interesa duten irakasleek informazioa eta formazioa jasotzeko Udako Ikastaroa antolatu du UEUk. Ikastaroa, ekainaren 27an izango da UEUren Eibarko egoitzan.

Kaixomundua.eus
Kaixomundua.eus, webgune-lehiaketa baino gehiago da. Kaixomundua.eus hezkuntza komunitatearentzat baliabide bat da. Kaixomundua-eus hezkuntza-proiektuaren helburu nagusia webguneak sortzen ikasiz, gaitasun digitalen ezagutza eskola-komunitatean sustatzea da.

Ikasleek taldeka parte hartzen dute eta webgune erreal bat sortzen dute. Horrela, kontsumitzaile digital ez ezik, sortzaile digital ere izan daitezkeela ikusten dute eta beharrezko gaitasunak eta ezagutza barneratzen dituzte. Gainera, trebakuntza teknologikoa behar duten irakasleen prestakuntza ere indartzen du kaixomundua.eus-ek.

Kaixomundua.eus PuntuEUS Fundazioaren proiektu bat da. TZBZ kooperatibarekin lankidetzan, Euskatelen babesarekin eta eta Eusko Jaurlaritzaren Kultura eta Hizkuntza Politika Sailaren Dinahosting-en laguntzarekin gauzatu da.